Fyrirtækið Bethesda tilkynnti á vefsíðu sinni að tölvuleikurinn Quake sé orðinn aðgengilegur á fleiri leikjatölvunum.
Tölvuleikinn má nú spila á leikjatölvunum PlayStation 5, Xbox Series X og S en þeir sem hafa keypt leikinn á PlayStation 4 eða Xbox One geta fengið leikinn gjaldfrjálsan á nýrri tölvu í sömu fjölskyldu.
Sumsé ef einstaklingur kaupir leikinn á PlayStation 4 getur hann nálgast leikinn gjaldfrjálst á PlayStation 5.
Íslendingar þekkja leikinn vel og var keppt í leiknum á frægustu LAN viðburðum Íslands, Skjálfta en lesa má tilkynninguna í heild sinni á vefsíðu Bethesda.