New World leikmönnum fækkar verulega

Tölvuleikurinn New World náði gríðarlegum vinsældum strax við útgáfu leiksins en hefur leikmönnum fækkað gífurlega á einum mánuði.

Mest seldi tölvuleikurinn á Steam

New World kom út 28.september en nokkrum klukkustundum síðar voru um 800,000 leikmenn að spila samtímis og leikurinn kominn efst á lista yfir mest selda tölvuleikinn á forritinu Steam.

Þann 30.september náði leikurinn nýjum hæðum þegar tæplega milljón leikmenn spiluðu leikinn samtímis og hálf milljón einstaklinga fylgdust með í gegnum streymisveituna Twitch.

Leikmönnum fækkar hratt

Hefur leikmönnum sem og áhorfendum fækkað verulega því í dag eru einungis um 200,000 leikmanna sem spila samtímis og tæp 60,000 áhorfenda á Twitch.

Hér að neðan má sjá línurit af leikmönnum og áhorfendum New World en nánari upplýsingar má skoða hér.

Línurit þar sem sjá má virkni notenda tölvuleiksins New World og áhorfenda New World streyma á Twitch. Græna línan sýnir leikmenn og sú bláa áhorfendur á Twitch. Skjáskot/steamdb.info

Fagna hrekkjavöku

Fyrirtækið sem gaf út leikinn, Amazon Games, hefur unnið markvisst í því að laga leikinn því ýmsar gloppur og vandamál komu í ljós við útgáfu en telst það eðlilegt við útgáfu nýrra leikja sem þessa.

Fyrirtækið er virkt á Twitter og fagnar hrekkjavöku með myndböndum og fleiru en virðist einfaldlega ekki ná að halda leikmönnum sínum virkum ef marka má tölfræðina. 

• Blogga um frétt