Stefnir í met hjá fyrirtækinu

Tölvuleikjaframleiðandinn EA Sports gaf út á dögunum að leikur þeirra FIFA 23 væri að stefna í áttina að því að verða mest seldi FIFA leikur sögunnar. Salan á FIFA leikjaseríunni hefur risið um 50% prósent milli ára og virðist áhuginn fyrir leiknum vera meiri í Bandaríkjunum nú en áður fyrr. 

EA Sports hefur gefið út FIFA-leik síðan árið 1993 og hefur hann alla tíð verið mest seldi fótboltaleikur heims. FIFA 23 er þrítugasti leikurinn í seríunni. Leikurinn var á lista yfir mest seldu leiki í Bandaríkjunum árið 2022 með yfir 10,3 milljónir eintaka seldar í vikunni sem hann var gefinn út. 

Skjáskot/EASports

EA Sports missir nafnréttinn FIFA fyrir næsta leik þar sem samstarf EA og FIFA-fótboltasambandsins rann út í desember árið 2022. Því hefur EA tekið upp nýtt nafn fyrir leikinn en næsti leikur mun bera heitið EA Sports FC. Leikurinn heldur samstarfi sínu við stærstu deildir fótboltans. 

• Blogga um frétt