Í kvöld fara þrír leikir fram í íslensku úrvalsdeildinni þegar fjórða umferð deildarinnar klárast. Leikið verður í nýjum leik, Counter-Strike 2, sem kom út á dögunum.

Fyrsti leikur kvöldsins er viðureign Þór og FH en leikurinn hefst klukkan 19.30. Leikurinn er mikilvægur fyrir bæði lið þar sem sigur í dag kemur öðru hvoru liðinu upp í efstu sæti deildarinnar. FH situr í fjórða sæti deildarinnar með fjögur stig en Þór í því sjötta með jafn mörg stig, en færri unnar lotur. 

Klukkan 20.30 hefst svo viðureign SAGA og Ármanns en Ármann situr í öðru sæti deildarinnar fyrir leikinn í kvöld. SAGA getur með sigri í dag komið sér upp úr botnsætum deildarinnar. 

Síðasti leikur kvöldsins er svo viðureign TEN5ION og ÍBV en lítið hefur gengið upp hjá Eyjamönnum í upphafi tímabils og þurfa þeir að spila vel í dag ætli þeir sér að bera sigur úr býtum gegn TEN5ION sem situr í fimmta sæti deildarinnar.

Hægt er að fylgjast með leikjunum á Twitch-síðu Rafíþróttasamtakanna.

Tengdar fréttir

Counter-Strike: Global Offensive

Áfram á toppnum eftir toppslagi kvöldsins

• Reyna að semja við dönsku stjörnuna
• Ármann fyrstir að sigra toppliðið
• Ótrúlegt skot í upphafi móts
• Leikmenn ósáttir við leikinn

» Fleiri tengdar fréttir

• Blogga um frétt