Brynjar Björn Gunnarsson og lærisveinar hans í Örgryte leika í sænsku B-deildinni í knattspyrnu á næstu leiktíð þrátt fyrir tap gegn Sandviken á heimavelli í síðari leik liðanna í umspili um sæti í deildinni í dag.
Leiknum í dag lauk með 3:2-sigri Sandviken en Örgryte vann fyrri leik liðanna 2:0 og einvígið því samanlagt 4:3.
Örgryte hafnaði í 13. og fjórða neðsta sæti sænsku B-deildarinnar á tímabilinu á meðan Sandviken hafnaði í öðru sæti norðurriðils C-deildarinnar.