Fyrsti Benz Harrisons falur

Fyrsti Mercedes-Benz bíllinn sem Bítillinn George Harrison átti er falur þeim sem áhuga hafa og geta pungað út tugi milljóna dollara fyrir kaupunum.

Um er að ræða Mercedes-Benz 250 CE  af árgerðinni 1970 en Harrison keypti hann beint úr kassanum. Hann er til sölu á franska uppboðsvefnum catawiki.eu og standa boðin nú í 22.000 evrum.

Búast má við að það eigi eftir að hækka því uppboðið stendur til 24. febrúar og sérfræðingar meta verðmæti bílsins á bilinu 55 til 75 þúsund evra.

Bíllinn er á breskum skrásetningarnúmerum en eigandinn er búsettur á Spáni. Hann er sagður í góðu ásigkomulagi og ekinn rúmlega 140 þúsund kílómetra um á 49 ára ævi sinni. Undir húddinu er 143 hestafla bensínvél með áfastri sjálfskiptingu.