Kia kynnir til leiks nýjan og sporlegan XCeed. Um er að ræða nýjan bíl frá grunni sem suður-kóreski bílaframleiðandinn mun heimsfrumsýna 26. júní nk.
XCeed er svonefndur crossover bíll með afturhallandi þaki, sportlegur í útliti og með farangursrými sem er sambærilegt og bílar í jepplingaflokki.
XCeed er rúmgóður að innan og hærri en venjulegur fólksbíll. Aðgengi í bílinn er því gott bæði fyrir ökumann og farþega. Ökumaður situr hærra en í fólksbíl og hefur því gott útsýni yfir veginn.
XCeed verður fyrst fáanlegur með bensínvél en mun einnig bjóðast í Plug-in Hybrid útfærslu á næstu misserum.
Emilio Herrera, framkvæmdastjóri hjá Kia Motors í Evrópu, segir XCeed vel heppnaðan í hönnun. „Að okkar mati hefur tekist mjög vel til með þennan nýja bíl. Hann er sportlegri í útliti með coupe laginu og meira spennandi en margir stærri jepplingar á markaðnum. XCeed hefur mikið innanrými bæði fyrir farþega og farangur sem gerir hann einnig praktískan,“ segir hann.