Bíll ökukennaranna 2019

Kia Motors hefur hlotnast óvenjulegur heiður en bíllinn Kia Ceed hefur verið valinn „ökukennarabíll ársins 2019“.

Viðurkenningin er fengin hjá svonefndum „Intelligent Instructor Awards“ í Bretlandi.

Sakir fjölhæfni og nytsemi er Ceed sagður kjörinn bíll fyrir ökukennara. Stillanleg sæti og stýrishjól ásamt góðu útsýni í allar áttir gera hann ákjósanlegan bíl fyrir ólíka ökunema sem kennara.

David Motton, ritstjóri FirstCar, sem fyrir verðlaununum stendur, og dómari segir Ceed „hagstæðan í verði, vel búinn, öruggan og viðráðanlegan í rekstri. Hann sé nógu rúmgóður til að vera kennaranum nytsamur og auðveldur nemandanum í meðförum.“

Í fyrra var Citroen C3 valinn ökukennarabíll ársins 2018.

• Blogga um frétt