Bílgreinasambandið telur ýmis rök vera til staðar um að fresta beri þrepalækkunum og ívilnun vegna tengiltvinnbíla eitt ár í viðbót. Hefur tillaga þess efnis verið lögð fyrir bæði Viðskipta- og efnahagsnefnd Alþingis og umhverfisráðherra.
Að óbreyttu mun virðisaukaskattsívilnun fyrir tengiltvinnbíla lækka úr 960.000 krónum niður í 600.000 krónur um næstu áramót.
„Þetta helgast af lögum sem voru samþykkt í lok árs í fyrra og kveða á um að ívilnanir vegna tengiltvinnbíla eigi að lækka í þrepum á næstu árum.
Augljóst er að þetta mun leiða til beinna verðhækkana á þessum tegundum bíla,“ segir Bílgreinasambandið.