Breski lúxusbílasmiðurinn Jaguar mun einungis framleiða rafbíla frá og með árinu 2025 og vinnur að því að verða alveg kolaefnafrír 2039.
Frá þessu skýrði fyrirtækið í morgun en breytingin kallar á 2,5 milljarða sterlingspunda árlegrar fjárfestingar í bílsmiðjunni í Englandi.
„Um miðjan áratuginn mun Jaguar hafa gengið í gegnum endurnýjun lífdaga og koma út úr þeim sem framleiðandi hreinna rafdrifinna bíla,“ sagði Jaguar í tilkynningu. Fyrsti bíllinn með hreinni rafdrifrás kemur á götuna 2024 og verður þar um að ræða Land Rover jeppa.
Þá segist Jaguar vinna markvisst að breytingum og endurbótum á aðfangakeðju sinni og framleiðslukerfum þannig að fyrirtækið geti talist kolefnafrítt í síðasta lagi 2039.