Rafmagnsbílasýning hjá Heklu um helgina
Mitsubishi Eclipse Cross var mest seldi tengiltvinnbíll á Íslandi árið 2022 en hann verður meðal bíla sem verða til sýnis hjá Heklu um helgina.
Ljósmynd/Hekla
Setja bókamerki
Á laugardaginn blæs Hekla til bílasýningar að Laugavegi 174 á milli klukkan 12 og 16. Á sýningunni verður lögð áhersla á rafmagnsbíla og allt sem við kemur hleðslulausnum.
Gestum og gangandi verður boðið upp á ís frá Valdísi og kaffi frá Te og kaffi. Starfsfólk Heklu kynnir og veitir ráðgjöf um allt það nýjasta í hleðslustöðvum sem henta rafbílum, auk fulltrúa frá Ísorku og ON.
Fjölbreytt úrval rafbíla verður til sýnis, má þar nefna Skoda Enyaq sem er einn mest seldi rafmagnsbíll landsins og fæst í ýmsum útfærslum, að því er fram kemur í tilkynningu frá Heklu.
Skoda Enyaq.
Ljósmynd/Hekla
ID fjölskylda Volkswagen inniheldur nú fimm tegundir. Nýlega bættust við ID.5 og ID.Buzz, sem leysir gamla rúgbrauðið af hólmi. Atvinnubíllinn ID.Buzz Cargo, var nýlega valinn alþjóðlegur sendibíll ársins 2023.
Ljósmynd/Hekla
ID4 GTX.
Ljósmynd/Hekla
Audi e-tron 55 verður á sýningunni, en nokkrir bílar eru til á lager sem hægt er að fá afhenta á næstu dögum. Audi Q4 verður einnig til sýnis auk flaggskipsins e-tron GT.
Ljósmynd/Hekla
