Leikarinn Elijah Wood sem fór með hlutverk Fróða í Hringadróttinssögu er að fara takast á við nýtt hlutverk, föðurhlutverkið. Myndir náðust nýlega af unnustu hans skarta afar stórri óléttubumbu svo það virðist sem stutt sé í erfingjann.
People greinir frá því að hinn 38 ára ára gamli leikari hafi sést með unnustu sinni, Mette-Marie Kongsved, í Los Angeles á mánudaginn þar sem þau voru að versla húsgögn. Stór óléttukúla Kongsved var ekki það eina sem vakti athygli heldur einnig hringur á baugfingri hennar. Þykir hringurinn vera merki um að parið sé trúlofað.
Parið hefur að minnsta kosti verið saman síðan í janúar 2018 en hin danska Kongsved er kvikmyndaframleiðandi. Wood og Kongsved eru lítið fyrir að vekja á sér of mikla athygli en þau mættu þó opinberlega saman á tískusýningu í byrjun árs.
View this post on InstagramA post shared by 𝐂𝐄𝐋𝐄𝐁𝐑𝐈𝐓𝐈𝐄𝐒 𝐄𝐕𝐄𝐑𝐘𝐃𝐀𝐘 (@celebs_in_touch) on Jul 9, 2019 at 8:11pm PDT