Donald Trump bandaríkjaforseti gaf sér tíma í gær til að óska sjóher Bandaríkjanna til hamingju með 244 ára afmælið. Hann hafði þó greinilega ekki tíma til að óska dóttur sinni, Tiffany Trump, til hamingju með daginn en hún varð 26 ára í gær.
Happy Birthday @USNavy! pic.twitter.com/H0lNgAdogV
— Donald J. Trump (@realDonaldTrump) October 13, 2019
Trump var ansi duglegur á Twitter á sunnudag, eins og oft áður, tísti um löggjafarvaldið í Bandaríkjunum, fólk sem ver hann og þá umdeildu ákvörðun hans að taka herlið Bandaríkjanna úr Sýrlandi. Dóttir hans var honum þó greinilega ekki ofarlega í huga þann daginn.
Tiffany er næst yngsta barn forsetans, en hann átti hana með annarri eiginkonu sinni Marla Maples. Tiffany er þeirra eina barn saman og ólst hún upp að mestu leyti hjá móður sinni.
Það voru þó ekki allir í fjölskyldunni sem gleymdu afmæli Tiffany, en systir hennar, Ivanka, óskaði henni til hamingju með daginn á Instagram og setti inn gamla mynd af þeim systrum saman.
View this post on InstagramA post shared by Ivanka Trump (@ivankatrump) on Oct 13, 2019 at 8:56am PDT