Meðganga Hilariu Baldwin, eiginkonu leikarans Alec Baldwin, endaði eftir aðeins fjóra mánuði. Baldwin-hjónin tilkynntu á mánudag að eftir 20 vikna ómskoðun hafi komið í ljós að meðgöngunni væri lokið. Þetta er annar fósturmissirinn sem þau hjónin upplifa á 7 mánuðum.
„Það tekur á okkur að tilkynna að við komumst að því að barnið okkar lést eftir aðeins 4 mánaða meðgöngu. Okkur langar að láta ykkur vita að okkur líður illa núna, en okkur mun líða betur,“ skrifaði Hilaria á Instagram við myndband af sér með dóttur sinni Carmen, 6 ára.
Í myndbandinu reynir Hilaria að útskýra fyrir dóttur sinni að hún viti ekki hvort hún muni eignast annað systkini handa henni á næstunni, en að hún muni reyna sitt allra besta. Þau tilkynntu um óléttuna í september síðastliðnum. Baldwin-hjónin eiga fjögur börn saman, þau Carmen, Romeo, Leonardo og Rafael.
Hilaria er 35 ára en Alec er 61 árs. Hann á eina dóttur fyrir úr fyrra sambandi sínu, Ireland Baldwin, með Kim Basinger.
View this post on InstagramA post shared by Hilaria Thomas Baldwin (@hilariabaldwin) on Nov 11, 2019 at 5:29pm PST