Íslandsvinurinn Ronan Keating eignaðist dóttur á dögunum með eiginkonu sinni Storm. Tónlistarmaðurinn greindi frá fæðingunni með því að birta mynd á Instagram af fæðingardeildinni. Fékk stúlkan nafnið Coco Knox Keating.
„Halló heimur. Deilum gleðitíðindum á þessum tímum með því að tilkynna örugga fæðingu dóttur okkar Coco Knox Keating,“ skrifaði söngvarinn og greindi frá því að stúlkan hefði komið í heiminn þann 27. mars. Heilsast bæði móður og dóttur vel.
Tónlistarmaðurinn og eiginkona hans fagna fimm ára brúðkaupsafmæli í ágúst en þau eiga fyrir soninn Cooper sem er tveggja ára gamall. Börnin tvö eru ekki fyrstu börn hins 43 ára gamla tónlistarmanns en hann á þrjú börn úr fyrra hjónabandi. Elsta barnið hans er 21 árs og því töluverður aldursmunur á yngsta og elsta barninu.
View this post on InstagramA post shared by Ronan Keating (@rokeating) on Mar 29, 2020 at 4:37am PDT