Sir David Attenborough heimsótti Vilhjálm Bretaprins, Katrínu hertogaynju af Cambrigde og börn þeirra þrjú í Kensingtonhöll í liðinni viku til að horfa á nýja náttúrulífsmynd hans. Í heimsókninni gaf hann Georgi prins dýrmæta gjöf, steingerving af tönn úr útdauðri tegund hákarls. 

Prinsinn virtist hæstánægður þegar hann tók við tönninni úr hákarlinum. Tönnina fann Attenborough í fjölskyldufríi á Möltu á 7. áratug síðustu aldar. Hún er talin vera um 23 milljón ára gömul og er úr megalodon-hákarli. Megalodon-hákarlarnir urðu gríðarlega stórir, allt að 15 metra langir, sem er tvisvar sinnum lengra en hvítháfar verða í dag.

Viðburðurinn var haldinn í garðinum við Kensingtonhöll svo að auðveldara væri að fara eftir sóttvarnareglum. 

Vilhjálmur og Attenborough horfðu saman á mynd þess síðarnefnda, A Life On Our Planet, þar sem hann fjallar um ævistarf sitt og þær breytingar á jörðinni sem hann hefur upplifað í gegnum áratugina. 

Eftir kvikmyndina spjallaði Attenborough við Vilhjálm, Katrínu og George, Karlottu og Lúðvík.

David Attenborough spjallaði við fjölskylduna í Kensington eftir kvikmyndina. AFP

Tengdar fréttir

Kóngafólk í fjölmiðlum

Karl á batavegi og snýr aftur til starfa

• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar

» Fleiri tengdar fréttir

• Blogga um frétt