Ofurfyrirsætan Karlie Kloss og eiginmaður hennar Joshua Kushner eignuðust sitt fyrsta barn á dögunum. Kushner, sem er bróðir Jareds Kushners eiginmanns Ivönku Trump, tilkynnti fæðingu frumburðarins í gær.
Hann bauð barnið velkomið í heiminn en tilgreindi ekki hvort um dreng eða stúlku væri að ræða. Þá gáfu þau hjónin ekki upp nafnið á barninu.
Kloss sagði frá því í október á síðasta ári að þau ættu von á barni. Kloss og Kushner gengu í það heilaga í október 2018 í látlausri athöfn í New York-ríki.