Rithöfundurinn Sarah Ferguson segir að Díana prinsessa heitin myndi vera stolt af strákunum sínum, Vilhjálmi og Harry Bretaprins, ef hún gæti séð þá í dag. Ferguson og Díana prinsessa voru æskuvinkonur og urðu góðar vinkonur þegar þær giftust báðar inn í bresku konungsfjölskylduna.
„Hún myndi vera mjög stolt af sonum sínum og eiginkonum þeirra. Og hún myndi vera nákvæmlega eins og ég; heltekin af barnabörnunum sínum. Því það var það sem hún elskaði,“ sagði Ferguson í viðtali við People.
Ferguson bætti við að Díana hefði elskað dætur hennar, Eugenie og Beatrice. „Ef hún sæti hérna með mér núna veit ég að hún myndi segja: „Ég er svo stolt af strákunum mínum og hinum mögnuðu eiginkonum sem þeir hafa valið.“ Af því hvert þeirra hefur sína rödd,“ sagði Ferguson.