Gullfoss er þriðji vinsælasti fossinn á Instagram um þessar mundir. Myllumerkið #Gullfoss hefur verið merkt við yfir 300 þúsund myndir á Instagram. Vefurinn Showerstoyou tók saman tölur um hvaða fossar í heiminum væru vinsælastir á samfélagsmiðlum.
Vinsælasti fossinn á Instagram er Níagara-fossar sem hefur verið merktur yfir 3,4 milljón sinnum. Iguazú-fossar í Argentínu eru í öðru sæti með yfir milljón myndir.
Ferðamenn hafa lítið getað ferðast um heimin undanfarna 10 mánuði vegna kórónuveirunnar. Það hefur brotist út í mörgum ferðaminningum á Instagram en 59% notenda á samfélagsmiðlum eru tilbúin til að leggja á sig ferðalag til draumaáfangastaða sinna þrátt fyrir ferðatakmarkanir.
Gullfoss er ekki eini íslenski fossinn á listanum en Skógafoss er í 5. sæti með 255 þúsund merkingar. Þá eru Viktoríufossar í Sambíu í 4. sæti.