Fjölmiðlakonan Viktoría Hermannsdóttir og grínistinn Sólmundur Hólm fóru til Kanaríeyja á dögunum. Parið setti húsið sitt á sölu í síðustu viku og skelltu sér heldur betur af bæ þegar opið hús fór fram á sunnudaginn.
Parið á samtals fimm börn og eru þau öll með í ferðinni ásamt ömmum og afa. Sóli, eins og Sólmundur er kallaður, hefur verið duglegur að grínast í ferðinni á Instagram. Hann sagði til dæmis verðlagið á Kanarí afar ódýrt og sagði að hægt væri að fá merkjavörur á afar hagstæðu verði í sólinni.
Smartland greindi frá því í síðustu viku að Viktoría og Sóli hefðu sett húsið sitt í Vesturbænum á sölu. Parið hefur staðið í miklum framkvæmdum í húsinu síðan það var keypt 2017.