Hvasst var á flugvellinum í San Francisco í Bandaríkjunum á þriðjudag. Svo hvasst að ferðataska fauk yfir flugbrautina og vakti athygli farþega.
Ferðalangur nokkur, Declan Weir, deildi myndbandi af töskunni á flugbrautinni á Twitter. „Það er svo hvasst á SFO í dag að enginn vill fara í loftið, nema þessi taska,“ skrifaði hann við myndbandið.
Seinkun varð á yfir 400 flugferðum til og frá flugvellinum á þriðjudag vegna veðurs og 80 ferðum var aflýst.
Weir var um borð í vél Air Canada þegar hann tók eftir töskunni á flugbrautinni. Þá beið hann eftir að vélin gæti farið í loftið, en um klukkustundar seinkun varð á flugi hans vegna veðurs.
It’s so windy at SFO today, nobody wants to take off, except this bag… #outtahere #byebyebaggy #AtmosphericRiver #BayArea pic.twitter.com/8u5qdgToCo
— Declan (@declanweir) March 14, 2023