Enska leikkonan Kim Cattrall nýtur lífsins um þessar mundir í Frakklandi. Cattrall er í fríi ásamt sambýlismanni sínum, Russell Thomas, en parið hefur verið saman frá árinu 2016. 

Leikkonan, sem öðlaðist heimsfrægð fyrir túlkun sína á Samönthu Jones í Beðmálum í borginni, birti fallega mynd af sér og Thomas á Instagram á dögunum. Myndin var tekin í skemmtisiglingu þar sem siglt var um Canal du Midi í Suður-Frakklandi. 

„Dásamleg vika hér við Canal du Midi. Frábær félagsskapur, frábær mannskapur og einstakur matur/vín frá svæðinu,“ skrifaði Cattrall við færsluna.

Parið heimsótti einnig borg ástarinnar þar sem þau kíktu meðal annars á tískusýningu Balmain á tískuvikunni í París. 

Tengdar fréttir

Frakkland

Ofurfyrirsæta sjóðheit í íslenskri hönnun í Frakklandi

• Fimm magnaðar sundlaugar sem þú verður að sjá
• Þessu pakka tískudrottningar fyrir ferð til Parísar
• EasyJet flýgur á milli Íslands og Parísar
• Olga og Andri trúlofuð í borg ástarinnar

» Fleiri tengdar fréttir

• Blogga um frétt