Alexis Ohanian, einn stofnenda vefsíðunnar Reddit og eiginmaður tennisstjörnunar Serenu Williams, deildi nýlega á Instagram þeim ótta sem hann hefur upplifað mestan í lífinu. Hann óttaðist verulega um líf sinnar ástkæru konu eftir að hún eignaðist fyrsta barn þeirra hjóna fyrir 10 mánuðum. Fæðingin gekk illa en dóttir þeirra fæddist eftir bráðakeisara og þurfti Serena að fara í aðgerð eftir fæðinguna sjálfa.
Alexis tjáði sig með einkar ástríkum hætti um að hann gæti ekki verið stoltari af Serenu þrátt fyrir nýlegt tap hennar á tennisvellinum í lokakeppni kvenna á Wimbledon síðastliðinn laugardag. Hann sagði að nokkrum dögum eftir að dóttir þeirra hjóna hefði fæðst hefði hann kysst konu sína bless og óskað henni velfarnaðar í skurðaðgerð sem hann óttaðist að hún myndi ekki lifa af. Við óskuðum þess eins að hún myndi lifa aðgerðina af en núna, 10 mánuðum síðar, tekur hún þátt á stórmóti á Wimbledon. Hann sendi kveðju til sigurvega einvígisins, Angelique Kerber, en bætti við að hann væri sannfærður um að @serenawilliams tæki við verðlaunum fyrir tennisleik fljótlega en heima biðu stórkostlegustu verðlaunin. Fjölskyldan veit að hún mun vinna til margra verðlauna, því hún er bara rétt að byrja og ég gæti ekki verið stoltari.
A post shared by Alexis Ohanian Sr. (@alexisohanian) on Jul 14, 2018 at 11:02am PDT
A post shared by Alexis Ohanian Sr. (@alexisohanian) on Jun 24, 2018 at 9:58am PDT