Melania skoðar skóla fyrir Barron Trump
Setja bókamerki
Það styttist í að Donald Trump og fjölskylda yfirgefi Hvíta húsið. Trump á nóg af fasteignum og þykir líklegt að hann flytji til Flórída með eiginkonu sinni Melaniu Trump og syni þeirra, hinum 14 ára gamla Barron Trump. Melania er sögð vera að skoða skóla fyrir soninn í Flórída.
„Melania er að skoða góða skóla fyrir Barron,“ sagði heimildarmaður People þegar fjallað var um mögulega búferlaflutninga þeirra til Mar-a-Lago í Flórída. „Þau hafa leitað út um allt að rétta skólanum í Palm Beach-sýslu og nágrannasýslunni Broward. Það eru nokkrir möguleikar og þau ákveða sig fljótlega.“
Barron Trump er nú nemandi við St. Andrews's Episcopal School í Maryland. Hann hefur verið nemandi við skólann síðan haustið 2017 og er í fjarkennslu eins og stendur. Melania Trump er þekkt fyrir að hugsa afar vel um son sinn. Forsetafrúin flutti til dæmis ekki strax í Hvíta húsið með manni sínum þegar hann tók við völdum í byrjun árs 2017. Mæðginin urðu eftir í New York svo Barron gæti lokið skólaárinu í skólanum sínum.
Eru að vakta stöðuna í bólusetningum barna
Laugavegur hjólaferðamannsins að fæðast
Sennilega gróðureldur, ekki ný sprunga
Fimm dauðir hvolpar fundust í poka
Fjöldi brota ríflega sexfaldaðist
Fjallabak, Sprengisandur og niður í Eyjafjörð
Norskur lögreglumaður dæmdur