Piparsveinninn fyrrverandi Nick Viall á von á sínu fyrsta barni með kærustu sinni, skurðhjúkrunarfræðingnum Natalie Joy. Parið tilkynnti um óléttuna á Instagram-síðu sinni, í færslu þar sem þau birtu ljósmyndir og sónarmynd.
Parið, sem er trúlofað, byrjaði saman árið 2020 eftir að Joy sendi Viall skilaboð á samfélagsmiðlum.
Viall keppti um ástir Andi Dorfman og Kaitlyn Bristowe í raunveruleikaþættinum The Bachelorette áður en hann hreppti hlutverk piparsveinsins í 21. þáttaröð The Bachelor.