Fyrirsætan Íris Freyja Salguero Kristínardóttir og athafnamaðurinn Egill Halldórsson eiga von á sínu fyrsta barni saman. Íris tilkynnti kyn barnsins í færslu á Instagram síðastliðna helgi.
„Heppin að fá að bæta við einni lítilli ævintýra stelpu í fjölskylduna okkar,“ skrifaði Íris við fallega myndaröð. Á myndunum sést glitta í köku með bleiku kremi, en þar að auki fékk hundurinn þeirra bleika slaufu í tilefni dagsins.
Íris og Egill kynntust sumarið 2022 og hafa síðan þá verið dugleg að ferðast bæði innanlands og erlendis. Þau hafa bæði mikla ástríðu fyrir ferðalögum og eru dugleg að deila ævintýralegum myndum frá ferðum sínum á samfélagsmiðlum.
Fjölskylduvefurinn óskar þeim innilega til hamingju!