Rangeygða pokarottan Heidi er með sína eigin Facebook-síðu. Hún hefur slegið rækilega í gegn en hún á um 34 þúsund aðdáendur á Facebook.
Hin tveggja ára Heidi sló í gegn í dýragarðinum í Leipzig í Þýskalandi og nú hafa aðdáendur hennar sett upp síðu fyrir hana á Facebook.
Sérfræðingar segja aumingja Heidi vera rangeygða vegna fitu sem hefur safnast í kringum augu hennar af ofáti. Hún hefur nú verið sett á nýtt mataræði sem ætti að hjálpa til.