Gunnar Sigurðarson eða Gunni „samloka“ er kominn með nýtt starf sem viðskiptastjóri á framleiðslusviði Samtaka iðnaðarins.
Lesendur mbl.is þekkja Gunna „samloku“ vel en hann var með þættina Gunnar á völlum á mbl.is.
„Gunnar Sigurðarson hefur verið ráðinn viðskiptastjóri á framleiðslusviði SI og hefur þegar hafið störf. Gunnar er með BA-gráðu í stjórnmálafræði frá Háskóla Íslands og MPA-gráðu í stjórnsýslufræðum, einnig frá Háskóla Íslands.
Gunnar hefur starfað hjá Íslandsstofu síðustu ár sem verkefnastjóri ferðaþjónustu og skapandi greina. Áður hefur hann starfað við dagskrárgerð og fréttamennsku hjá Ríkisútvarpinu, sem verkefnastjóri hjá fjölmiðlanefnd og sérfræðingur hjá mennta- og menningarmálaráðuneytinu,“ segir á vef si.is.