Víðir Reynisson, yfirlögregluþjónn hjá ríkislögreglustjóra, er á meðal þeirra sem hafa tíst á Twitter um lokatónleika Helga Björns, sem eru nú í beinni útsendingu á mbl.is. Tíst er undir myllumerkinu #heimamedhelga.
„Þvílík snilld. Takk fyrir allt Helgi og co. Baráttukveðjur til okkar allra,“ skrifar Víðir sem er hluti af þríeykinu landsþekkta, ásamt þeim Þórólfi Guðnasyni sóttvarnalækni og Ölmu D. Möller landlækni.
Þvílík snilld. Takk fyrir allt Helgi og co. Baráttukveðjur til okkar allra. #heimamedhelga
— Víðir Reynisson (@VidirReynisson) May 2, 2020
Tónlistarkonan Salka Sól, sem hefur verið á meðal gesta Helga, er einnig á meðal þeirra sem leggja orð í belg. Tekið skal fram að hún rataði í hús og syngur með Helga og félögum í kvöld.
Ráfandi um í Þingholtunum en get bara ekki munað hvar Helgi á heima #heimamedhelga
— Salka Sól Eyfeld (@salkadelasol) April 25, 2020
Vá get ekki beðið eftir að ferðast innanlands. Syngja lag og spila á spil. #heimamedhelga
— Víðir Reynisson (@VidirReynisson) May 2, 2020