Skoski tónlistarmaðurinn Lewis Capaldi, sem þekktur er fyrir hugljúfa rödd og rómantísk ástarlög, er kominn með kærustu. Hann frumsýndi nýju ástina í partíi eftir bresku tónlistarverðlaunin á dögunum. 

Sú heppna heitir Ellie MacDowall og er 23 ára gömul leikkona. Hún lærði sviðslistir í MGA Academy í Edinborg og útskrifaðist árið 2020. 

Sögð vera ástfangin og hamingjusöm

Fram kemur á vef Daily Mail að parið hafi verið saman í nokkra mánuði en hafi þó hingað til valið að halda sambandinu fjarri sviðsljósinu. Það breyttist hins vegar þegar þau mættu saman í partí eftir bresku tónlistarverðlaunin þar sem þau sáust kyssast og dansa saman langt fram á nótt.

„Þetta er opinbert, Lewis er ástfanginn og gæti ekki verið ánægðari. Hann hefur verið með Ellie í nokkurn tíma núna,“ sagði heimildarmaður The Sun. „Það er mjög ljúft að sjá hann svona hamingjusaman og Ellie dýrkar hann greinilega líka,“ bætti hann við.

Tengdar fréttir

Ást í Hollywood

Hafa ekki sést saman í 47 daga

• „Mikilvægasta lexían er sú að vita hvenær á að þegja“
• Nýja kærastan sögð skuggalega lík fyrrverandi eiginkonunni
• Lykillinn að farsælu ástarsambandi að búa í sitthvoru húsinu
• Queen Latifah mætti ásamt kærustu sinni

» Fleiri tengdar fréttir

• Blogga um frétt