Guðni Th. Jóhannesson, forseti Íslands, og Eliza Reid forsetafrú halda í dag til Lundúna og taka þar þátt í dagskrá vegna krýningar Karls III. Bretakonungs.

Dagskráin hefst síðdegis á föstudag þegar konungur býður til móttöku í Buckinghamhöll sem forsetahjónin sækja. Laugardaginn 6. maí fer krýning hans svo fram í Westminster Abbey. Að krýningu lokinni býður James Cleverly, utanríkisráðherra Bretlands, gestum til hádegisverðar í Church House við Dean’s Yard í Westminster, að því er segir í tilkynningu. 

Meðan á dvöl hjónanna stendur í London mun forseti einnig sækja morgunverðarfund um málefni smárra þróunareyríkja (e. Small Island Developing States, SIDS) í Lancaster House. Ísland hefur stutt ötullega við SIDS aðgerðaáætlun UNESCO sem miðar að því að efla sjálfbærni smárra þróunareyríkja.

Tengdar fréttir

Kóngafólk í fjölmiðlum

Vilhjálmur og Katrín fagna 13 ára brúðkaupsafmæli

• Karl á batavegi og snýr aftur til starfa
• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum

» Fleiri tengdar fréttir

• Blogga um frétt