Öllu var tjaldað til þegar útvarpsmaðurinn Ágúst Beinteinn Árnason, betur þekktur sem Gústi B, hélt upp á 22 ára afmæli sitt í veislusalnum Cava Club síðastliðna helgi.

Á gestalistanum var mikið um þekkta Íslendinga, þar á meðal voru tónlistarmaðurinn Patrik Atlason, knattspyrnumaðurinn Adam Ægir Pálsson og leikarinn og handboltamaðurinn Blær Hinriksson. 

Estefan Leó Haraldsson, betur þekktur sem Ezzi á TikTok, mætti líka í afmælið og gaf afmælisbraninu rándýra gjöf. Í samtali við mbl.is segir hann gjöfina hafa kostað 200 þúsund krónur.

Hissa þegar hann opnaði gjöfina

Ezzi birti TikTok-myndband af viðbrögðum Gústa B þegar hann opnaði gjöfina sem virðist vera gríðarstórt einhyrningahöfuð með ljósi inni í sem lýsir í gegnum augu höfuðsins. Gústi B var vægast sagt hissa þegar hann sá gjöfina, enda hefur hann líklega ekki fengið einhyrningahöfuð oft að gjöf. 

Gjöfin virðist hafa vakið mikla lukku í afmælinu, svo mikla að Prettyboitjokko birti mynd af sér með gjöfinni á Instagram. 

Tengdar fréttir

Áhrifavaldar

Aðalskvísur landsins flúðu rigninguna

• Þetta eru vinsælustu Love Island-stjörnurnar
• Rúrik opnar sig í viðtali við Sports Illustrated
• Iggy Azalea hefur sagt skilið við tónlistina
• Laufey og Daði Freyr á Lollapalooza

» Fleiri tengdar fréttir

TikTok

„Ég reyni að ögra sjálfri mér og geri allt það sem gerir mér gott“

• TikTok í mál við bandaríska ríkið
• Gerði allt vitlaust með svari sínu
• TikTok og Universal sættust
• Fundu tvífara Steinda í Finnlandi

» Fleiri tengdar fréttir

• Blogga um frétt