Tónlistarmaðurinn Usher tryllti lýðinn þegar hann steig á svið í hálfleik Ofurskálarinnar á Allegiant-leikvangnum í Las Vegas síðastliðna helgi.
Þegar tónlistarmaðurinn lauk flutningi sínum fór hann rakleiðis ásamt sinni heittelskuðu, Jennifer Goicoechea, í „drive-thru“ kappellu þar sem þau innsigluðu ást sínu og létu pússa sig saman.
„Við getum staðfest það að Usher og Jennifer Goicoechea tóku næsta skref í sambandi sínu og giftu sig á sunnudagskvöldið í Las Vegas. Þau voru umkringd nánustu vinum og fjölskyldumeðlimum,“ sagði kynningarfulltrúi hjónanna í yfirlýsingu sem barst til People.
Usher er þrískilinn og fjögurra barna faðir. Hann og Goicoechea byrjuðu saman í október 2019 og eiga þau tvö börn, fædd 2020 og 2021.