Áhrifavaldurinn Sunneva Einarsdóttir hefur verið að gera það gott á samfélagsmiðlum síðastliðin ár þar sem hún deilir lífstíls- og tískutengdu efni með rúmlega 56 þúsund fylgjendum sínum. 

Sunneva er þekkt fyrir að birta einkar glæsilegar skvísumyndir af sér á Instagram, en í sumar var hún dugleg að ferðast og birti fjölda töfrandi ferðamynda sem hafa án efa kveikt undir ferðaþrá fylgjenda hennar. 

Frétt af mbl.is

Sunneva í hvítu bikiníi á Atlantis

Frétt af mbl.is

Lifa í vellystingum í Frakklandi

Frétt af mbl.is

Sunneva sleikir sólina með vinkonunum í Frakklandi

„Draumur allra stelpna“

Á dögunum ákvað Sunneva að deila leyndarmálinu á bak við töfrandi Instagram-myndir sínar með fylgjendum sínum á TikTok, en það er enginn annar enn ljósmyndarinn á bak við vélina, kærasti hennar Benedikt Bjarnason. 

Benedikt og Sunneva hafa verið saman í að verða fjögur ár, en Benedikt er sonur Bjarna Benediktssonar fjármálaráðherra. Benedikt virðist afar lunkinn við að ná góðum myndum af Sunnevu, en í myndbandinu sést Benedikt töfra fram hina fullkomnu Instagram-mynd sem endaði að sjálfsögðu á Instagram-reikning Sunnevu. 

„Þegar kærastinn þinn tekur myndavélina sína með hvert sem þið farið og passar að þú náir geggjuðum myndum,“ skrifaði hún við myndbandið.