Antonio Guterres, framkvæmdastjóri Sameinuðu þjóðanna, segir að Ísraelsher verði að fjarlægja hindranir svo að hægt sé að veita nauðsynlega aðstoð vegna yfirvofandi hungrusneyðar á Gasa.
Antonio Guterres, framkvæmdastjóri Sameinuðu þjóðanna, segir að Ísraelsher verði að fjarlægja hindranir svo að hægt sé að veita nauðsynlega aðstoð vegna yfirvofandi hungrusneyðar á Gasa.
Antonio Guterres, framkvæmdastjóri Sameinuðu þjóðanna, segir að Ísraelsher verði að fjarlægja hindranir svo að hægt sé að veita nauðsynlega aðstoð vegna yfirvofandi hungrusneyðar á Gasa.
Í kjölfar heimsóknar sinnar á Rafah-landamærastöðina í dag ítrekaði Guterres kröfu sína um tafarlaust vopnahlé til að létta á vanda palestínskra barna, kvenna og karla sem berjist við að lifa af.
„Allur heimurinn viðurkennir að það er löngu tímabært að þagga niður í byssunum og tryggja tafarlaust vopnahlé,“ sagði Guterres á blaðamannafundi með Sameh Shoukry, utanríkisráðherra Egyptalands, í Kaíró í dag.
Guterres sagði Rafah-landamærastöðina og El-Arish flugvöllinn í Egyptalandi nauðsynlegar æðar fyrir lífsbjörg á Gasa. Hann sagði þær hins vegar stíflaðar og vísaði til langra raða flutningabíla með hjálpargögn sem kæmust hægt yfir landamærin.
Harðir bardagar geisa á Gasa en Ísraelsher hefur heitið því að halda áfram stríði á jörðu niðri í suðurhluta svæðisins þrátt fyrir andmæli Bandaríkjanna og viðræður um vopnahlé.
Heilbrigðisyfirvöld á Gasa, sem stjórnað er af Hamas-hryðjuverkasamtökunum, segja alls 32.226 hafa verið drepna á Gasa.
Sameinuðu þjóðirnar hafa ítrekað varað við hungursneyð á Gasa, einkum í norðri, en þangað hafa fá hjálpargögn borist.