Náinn aðstoðarmaður Benazir Bhutto, sem var myrt í sprengjutilræði í Pakistan í gær, hafnar útskýringum ríkisstjórnar landsins á því hvað dró Bhutto til dauða. Hann segir stjórnvöld fara með ósannindi í málinu.

Innanríkisráðuneyti Pakistans sagði í dag að Bhutto hafi látist af völdum höfuðhöggs sem hún hlaut þegar hún rak höfuðið í sóllúgu í bifreiðinni sem hún var að ferðast í. Ráðuneytið sagði að Bhutto hefði verið að reyna að beygja sig í kjölfar árásinnar. Hvorki byssukúlur né sprengjubrot hafi fundist í líkinu.

„Það er ekkert hæft í þessu. Þetta er lygi,“ sagði Farooq Naik, lögmaður Bhutto og samflokksmaður hennar. 

„Einkaritari Bhutto, Naheed Khan, og flokksmaður hennar Makhdoom Amin Fahim voru í bifreiðinni og sáu hvað gerðist,“ sagði hann.

„Þetta er óbætanlegur skaði og þeir eru að snúa þessu upp í grín með yfirlýsingum sem þessum. Landið er á barmi borgarastyrjaldar.“

Benazir Bhutto sést hér á fjöldafundi í Pakistan á öðrum degi jóla. AP

Tengdar fréttir

Bhutto

Bhutto á pening

• Lífstíðarfangelsi í stað dauðarefsingar
• Viðræður flokka að hefjast í Pakistan
• Sorgartímabili lýkur í Pakistan
• Skotið á fólk á kosningafundi í Pakistan

» Fleiri tengdar fréttir

• 1 blogg um fréttina

Bloggað um fréttina

• jósep sigurðsson: Islimar,Talibanar eða hvað sem allt þetta morðóða hyski vill kalla …