Talið er mögulegt að persónulegir munir sem fundust undan ströndum Madagaskar tilheyri fólki sem var um borð í flugvél Malaysian Airlines, MH370, en vélin hvarf sporlaust í mars árið 2014 með 239 um borð.

Nýverið fannst brak á svipuðum slóðum sem rannsakendur telja næsta víst að sé úr vélinni. Blaine Gibson, sem fann brakið, segist nú hafa fundið töskur sem hann telur líklegt að hafi verið í eigu fólksins sem var um borð.

Flaks vélarinnar hefur verið leitað í rúm tvö ár. Enn er með öllu óljóst hvar hún hrapaði.

Gibson segist í samtali við CNN hafa fundið 15–20 persónulega hluti, m.a. lítinn bakpoka, veski, tölvutösku og tösku undan símum, á ströndinni við Madagaskar síðustu daga.

Hann segir að hlutirnir séu ekki merktir og því ekki hægt að bera kennsl á þá með einföldum hætti.  Hann hefur hins vegar sent myndir af hlutunum til stuðningshóps aðstandenda þeirra sem voru um borð í vélinni.

Yfirvöld í Ástralíu og Malasíu hafa verið látin vita um fundinn. Þau ætla að sækja hlutina til frekari rannsóknar.

Í maí fannst brak úr vélinni á strönd við Madagaskar. Nú hafa nokkrir persónulegir hlutir fundist. AFP

Tengdar fréttir

Malasískrar farþegaþotu saknað

„Mér er sama um peningana“

• Reiðir ættingjar gengu út
• „Getum ekki leitað að eilífu“
• Leit hætt án árangurs
• Leit að MH370 hætt í næstu viku

» Fleiri tengdar fréttir

• Blogga um frétt