Gerir ráð fyrir dauðarefsingum á ný

Recep Tayyip Erdogan, forseti Tyrklands, segist gera ráð fyrir því að þing landsins muni staðfesta að setja dauðarefsingu í lög á ný í landinu eftir þjóðaratkvæðagreiðslu í apríl sem myndi auka völd þingsins. 

„Fjölskyldur píslarvottanna, hetjanna, þurfa ekki að hafa áhyggjur. Ég trúi því, með guðs vilja, að eftir atkvæðagreiðsluna 16. apríl muni þingið gera það sem er nauðsynlegt varðandi kröfu ykkar um dauðarefsingu,“ sagði Erdogan á fundi með stuðningsmönnum sínum sem einnig var sjónvarpað. 

Bætti hann við að hann myndi skrifa undir lögin án þess að hika.

Frétt af mbl.is

Myndi samþykkja lög um dauðarefsingu

Frétt af mbl.is

Almennings að krefjast dauðarefsingar

• 1 blogg um fréttina

Bloggað um fréttina

• Sigurður M Grétarsson: Sorglegt hvernig komið er fyrir Tyrklandi.