Sendiráð Gvatemala til Jerúsalem

Jimmy Morales ( til vinstri) og Benjamin Netanyahu takast í ...
Jimmy Morales ( til vinstri) og Benjamin Netanyahu takast í hendur á síðasta ári. AFP

Stjórnvöld í Gvatemala hafa ákveðið að feta í fótspor Bandaríkjanna og flytja sendiráð sitt í Ísrael til Jerúsalem. Jimmy Morales, forseti Gvatemala, greindi frá þessu í gærkvöldi.

Eftir að hafa rætt við Benjamin Netanyahu, forseta Ísraels, skrifaði Morales á facebooksíðu sína að „eitt mikilvægasta verkefnið væri að flytja sendiráð Gvatemala aftur til Jerúsalem,“ frá Tel Aviv þar sem það er núna.

„Af þessum ástæðum læt ég ykkur vita að ég hef óskað eftir því við utanríkisráðuneytið að það geri viðeigandi ráðstafanir þannig að þetta verði að veruleika,“ skrifaði Morales.

Talsmaður ísraelska utanríkisráðuneytisins, Emmanuel Nahsohn, þakkaði Gvatamala fyrir „mikilvæga ákvörðun“.

„Frábærar fréttir og sönn vinátta,“ skrifaði hann á Twitter.

Nokkrir dagar eru liðnir síðan tveir þriðjuhlutar aðildarríkja Sameinuðu þjóðanna höfnuðu viðurkenningu Donalds Trumps Bandaríkjaforseta á Jerúsalem sem höfuðborg Ísraels.

Aðeins átta þjóðir kusu gegn frumvarpinu sem var lagt fram hjá Sameinuðu þjóðunum, þar á meðal Gvatemala, sem er í Mið-Ameríku.

mbl.is
Akureyri - Vönduð íbúðagisting
Vel útbúnar og rúmgóðar íbúðir. Uppábúin rúm fyrir sjö manns, handklæði og þráðl...
Bækur til sölu
550 ljóðabækur til sölu á 82 þúsund. Einnig bréf til Láru, 1. útg. 2. útg. og ...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 197.000 km...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...