Þjóðaröryggisráð Írans hefur gefið það út að Bandaríkin verði hér eftir skilgreind í þeirra bókum sem ríki sem styður við hryðjuverkastarfsemi og að bandarískar hersveitir í Mið-Austurlöndum verði eftirleiðis skilgreindar sem „hryðjuverkahópar“, samkvæmt frétt íranska ríkisfjölmiðilsins IRNA.
Í yfirlýsingu sem þjóðaröryggisráðið hefur fengið birta í ríkisfjölmiðlinum segir að þessi ákvörðun hafi verið tekin vegna þeirrar ákvörðunar Bandaríkjastjórnar að skilgreina byltingarverði Írans sem hryðjuverkasamtök, en sú ákvörðun var opinberuð í dag.
Segja Íranir ákvörðun Bandaríkjanna vera bæði „ólöglega og heimskulega“.
Þetta er í fyrsta skipti sem Bandaríkjastjórn skilgreinir her annars ríkis sem hryðjuverkasamtök. Fjölmiðlar vestanhafs telja aðgerðina lið í tilraunum Trump til að beita Íran frekari refsiaðgerðum.