Setji ekki friðarsamkomulagið í hættu

Nancy Pelosi, forseti fulltrúadeildar Bandaríkjaþings.
Nancy Pelosi, forseti fulltrúadeildar Bandaríkjaþings. AFP

Mögulegur fríverslunarsamningur á milli Bandaríkjanna og Bretlands mun ekki verða samþykktur í fulltrúadeild Bandaríkjaþings ef hann verður til þess fallinn að grafa undan friðarsamkomulaginu sem gert var á Norður-Írlandi um síðustu aldamót.

Þetta er haft eftir Nancy Pelosi, forseta fulltrúadeildarinnar, á fréttavef breska ríkisútvarpsins BBC, en flokkur hennar, Demókrataflokkurinn, hefur meirihluta í deildinni. Ekki væri hægt að fallast á það að útgöngu Bretlands úr Evrópusambandinu setti friðarsamkomulagið í hættu. Ummælin koma í kjölfar þess að John Bolton, þjóðaröryggisráðgjafi Bandaríkjaforseta, sagði Bretland verða efst á blaði hjá Bandaríkjunum þegar kæmi að gerð fríverslunarsamnings.

Bolton hefur sagt að bandarísk stjórnvöld styðji það að Bretland yfirgefi Evrópusambandið án þess að samið verði sérstaklega um útgönguna komi til þess en ráðamenn sambandsins telja að verði tekið upp landamæraeftirlit á milli Írlands og Norður-Írlands gæti það grafið undan friðarsamkomulaginu. Til þess að forðast það þurfi Bretland, eða að minnsta kosti Norður-Írland, að vera áfram innan tollabanalags þess. Bresk stjórnvöld telja hins vegar hægt að lágmarka eftirlit á landamærunum með öðrum leiðum.

Pelosi segir að hvernig sem staðið verði að útgöngu Bretlands úr Evrópusambandinu verði ekki hægt að samþykkja að það setji friðarsamkomulagið í uppnám.

mbl.is
Stofuskápur úr furu
Skápur í sumarbúðstaðinn til sölu, hæð 2 m, breidd 0,71 m, dýpt 0,35 m. Kr: 10,...
Rafknúinn lyftihægindastól
Til sölu rafknúinn lyftihægindastól frá Eirberg kostar nýr 124 þ Upplýsingar au...
Lok á heita potta og hitaveituskeljar
Lok á heita potta og hitaveituskeljar. Stærðir í cm: 200x200, 210x210, 220x220, ...
Útsala .Kommóða ofl.
Til sölu 3ja skúffu kommóða,mjög vel útítandi,ljös viðarlit.. Verð kr 2000.. Ei...