Forsætisráðherra Bretlands, Boris Johnson, dvaldi í nótt á sjúkrahúsi en hann var lagður inn í gærkvöldi til rannsóknar tíu dögum eftir að hann greindist með kórónuveiruna.
Í tilkynningu frá ríkisstjórn landsins kemur fram að Johnson muni áfram sinna skyldum sínum.
Forsætisráðherrann gengst undir rannsóknir í dag en mun þó hafa vitneskju um allt er viðkemur stjórn landsins. Ekkert bendir til þess að Johnson þurfi að leggjast inn á gjörgæslu.
Heilbrigðisráðherra Bretlands, Matt Hancock, sneri aftur til vinnu á föstudag eftir að hafa verið heima í viku eftir að hafa greinst smitaður af COVID-19.