Herinn hefur tekið völdin í Mjanmar
Setja bókamerki
Herinn hefur tekið völdin í Mjanmar en sjónvarpsstöð hersins tilkynnti í nótt að herinn færi með völd í landinu næsta árið. Aung San Suu Kyi, leiðtogi Mjanmar, og fleiri stjórnmálamenn voru tekin höndum af hernum skömmu áður.
Yfirtaka hersins var framkvæmd eftir að spenna jókst á milli ríkisstjórnarinnar og hersins eftir umdeildar kosningar í landinu. Herinn hefur lofað því að halda lýðræðislegar kosningar og láta völdin í hendur lýðræðislega kjörinna fulltrúa eftir ár.
Mjanmar, sem einnig er þekkt sem Burma, var undir stjórn hersins áður en lýðræðislegar breytingar fóru af stað þar árið 2011.
Herinn sagði að völdin yrðu nú færð í hendur hershöfðingjanum Min Aung Hlaing vegna „kosningasvindls“. Hermenn eru á götum úti í höfuðborginni Nay Pyi Taw og borginni Yangon.
NLD, flokkur Suu Kyi, hefur nú sent frá sér yfirlýsingu fyrir hennar hönd. Þar er haft eftir henni: „Ég hvet fólk til þess að samþykkja ekki [valdatöku hersins], að bregðast við og mótmæla henni með öllu hjarta.“
„Verulega brugðið að sjá þennan þátt“
Eðlilegt að fjör sé að færast í leikinn
Austfirðingur: „Þá fékk ég aðeins kjánahroll“
Bjóða fólki að færa sig um flug
Vinna hafin við gerð nýs varnargarðs
„Greinlega allt á réttri leið“
„Ég á mjög mikið inni“
Búast við niðurstöðu í dag vegna varnargarðs