Allar brottfarir frá flugvöllum í París í Frakklandi voru stöðvaðar í skamma stund í dag vegna tæknilegrar bilunar.
Að sögn þarlendra yfirvalda voru brottfarir stöðvaðar í minna en 30 mínútur á flugvöllunum í Orly og Roissy-Charles de Gaulle í morgun.
Yfirvöld í Frakklandi segja orsök seinkunarinnar vera bilun í kerfi sem stjórnar flugáætlunum. Bilunin hafði þó ekki áhrif á komur til landsins.
Kort Eurocontrol sýndi að fjölmargar flugferðir yfir norðurhluta Frakklands töfðust um meira en 45 mínútur í kjölfar bilunarinnar.