Lögreglan í Sviss hefur lagt hald á 500 kíló af kókaíni úr kaffisendingu sem var send til Nespresso verksmiðju.
Starfsmenn verksmiðjunnar í Sviss gerðu yfirvöldum viðvart eftir að hafa fundið duft innan um kaffibaunir.
Lögregla fann síðar meira af kókaíni í fimm flutningsgámum. Frumrannsókn leiddi í ljós að sendingin hefði komið frá Brasilíu.
Í yfirlýsingu Nespresso kom meðal annars fram að framleiðsla kaffihylkja í verksmiðjunni hefði ekki verið menguð af kókaíni. Fólk gæti drukkið sitt kaffi áhyggjulaust.
Áætlað virði kókaínsins voru rétt tæpar 50 milljónir evra, jafnvirði tæplega sjö milljarða íslenskra króna.