Myndir: Hrunið mun raska flutningum til Bandaríkjanna
Setja bókamerki
Um brúna sem hrundi í Baltimore í nótt fara um 31 þúsund farþegar á degi hverjum og fer brúin yfir eina umsvifamestu höfn Bandaríkjanna.
Brúin heitir eftir eftir Francis Scott Key, skáldinu sem samdi ljóðlínur bandaríska þjóðsöngsins.
Ein mikilvægasta höfn Bandaríkjanna
Brúin hrundi í nótt, nær strax eftir að gámaskip rakst á hana. Gert er ráð fyrir að hrun brúarinnar geti valdið töluverðum röskunum á flutningum þar sem brakið úr henni lokar nú innsiglingunni í höfnina í Baltimore.
Á síðasta ári fóru um 52 milljónir tonna innflutts varnings um höfnina, að andvirði um 80 milljarða bandaríkjadala. Þetta kom fram í yfirlýsingu frá ríkisstjóra Maryland, Wes Moore.
Baltimore er dýpsta höfnin á Chesapeake-flóa. Hvergi er fleiri bílum og minni vinnuvélum skipað upp í Bandaríkjunum en einmitt þar, auk þess sem aðrar vörur eins og sykur fara gjarnan um þá höfn.
Mörg skemmtiferðaskip nota höfnina
Höfnin í Baltimore er níunda mikilvægasta höfnin í Bandaríkjunum, bæði þegar metið er umfang innflutningsvara og verðmæti þeirra. 15 þúsund manns starfa við hafnartengd störf og eru afleidd störf talin um 140 þúsund.
Um 50 skipafélög nota höfnina á ári hverju og telja komur í höfnina um 1.800 á ári hverju.
Höfnin í Baltimore er ekki bara mikilvæg í vöruflutningum heldur einnig fyrir skemmtiferðaskip. Um 440 þúsund farþegar lögðu úr höfn frá Baltimore á síðasta ári.
Viðskiptaráð Maryland hefur sagt að langvarandi lokun hafnarinnar muni óhjákvæmilega trufla vöruviðskipti.
Kaldasti veturinn kom að óvörum
Nemendur í HÍ reistu tjaldbúðir án leyfis
Vonast til að tjaldbúðir við HÍ standi áfram
Væri að ljúga ef ég segðist ekki stressaður
„Höfum ekki náð að skríða upp úr þeirri gryfju“
Rothissa á vinnubrögðum forystu BÍ
Telur forsendur fyrir vaxtalækkun
Strand skemmtiferðaskips kallar á erlenda aðstoð