Tveir einstaklingar voru handteknir í aðgerðum lögreglu í heimahúsi í Norðlingaholti í dag. RÚV greinir frá þessu. Var lögreglan kölluð á vettvang til þess að aðstoða barnaverndaryfirvöld.
Sérsveit ríkislögreglustjóra var einnig kölluð út vegna þess að áður hafði verið tilkynnt um ólöglegt skotvopn á heimilinu.
Samkvæmt heimildum RÚV tók aðgerðin nokkrar klukkustundir en að sögn lögreglu var fólkið flutt í fangaklefa.
Lögreglan gat ekki tjáð sig um málið þegar mbl.is óskaði eftir svörum.