Framkvæmdaaðili sýningarinnar Verks og vits hefur að höfðu samráði við embætti landlæknis og samstarfsaðila sýningarinnar ákveðið að fresta sýningunni sem halda átti í Laugardalshöll 12.-15. mars næstkomandi fram til 15.-18. október.

„Í ljósi aðstæðna vegna COVID-19 setur framkvæmdaaðili sýningarinnar heilsu og hag sýnenda, þjónustuaðila og gesta sýningarinnar í forgang og er þessi ákvörðun tekin nú áður en uppsetning hefst á sýningunni. Verk og vit hefur skipað sér sess sem uppskeruhátíð bygginga- og mannvirkjageirans en á síðustu Verk og vit-sýningu 2018 sóttu um 25.000 manns sýninguna,“ segir í tilkynningu.

Fram kemur að með hliðsjón af eðli sýningarinnar og þeim fjölda fólk sem sækir hana heim væri erfitt að framfylgja að fullu leiðbeiningum almannavarna. Til að gæta ýtrasta öryggis sýnenda og gesta var því ákveðið að fresta sýningunni.

Mikill áhugi var á sýningunni og var uppselt á sýningarsvæðið mánuði fyrir opnun. Yfir 100 fyrirtæki og stofnanir ætluðu að kynna þar vörur sínar.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt