Ragnar Þór Ingólfsson, formaður VR, sagði á facebooksíðu sinni í gær að hann vonaði að hvorki almenningur né sjóðir í eigu almennings myndu „láta krónu“ í Síldarvinnsluna, en hlutafjárútboð félagsins hefst 10. maí nk.

Í færslunni spyr Ragnar hver staða lífeyrissjóða sé varðandi fjárfestingu í félagi sem stjórnað er af einstaklingum „sem liggja undir rökstuddum grun um peningaþvætti, skattaundanskot, launaþjófnað og mútur, í mörgum löndum. Sem hlýtur þá að flokkast undir skipulagða alþjóðlega glæpastarfsemi.“

Þá spyr Ragnar hvort að með hlutafjárútboðinu eigi að „veiða almenning inn í net útgerðarfyrirtækja“ til að skapa sátt um fiskveiðistjórnunarkerfið, að því er fram kemur í Morgunblaðinu í dag.

Þetta er ekki í fyrsta sinn sem Ragnar Þór tjáir sig um væntanleg hlutafjárútboð, en hann lagðist gegn því í fyrra að Lífeyrissjóður verslunarmanna tæki þátt í hlutafjárútboði Icelandair. Fjármálaeftirlit Seðlabankans gagnrýndi hvernig staðið var að þeirri sniðgöngu.

Frétt af mbl.is

Draga yfirlýsinguna til baka

Tengdar fréttir

Síldarvinnslan

Sjóvá og Síldarvinnslan áfram í samstarfi

• Samfélagsspor Síldarvinnslunnar yfir 10 milljarðar
• Þorsteinn Már skaut föstum skotum á SKE
• Síldarvinnslan með 10 milljarða hagnað
• SKE fer offari

» Fleiri tengdar fréttir