Fuku út af á Holtavörðuheiði

Tveir vöruflutningabílar fuku út af veginum á Holtavörðuheiði.
Tveir vöruflutningabílar fuku út af veginum á Holtavörðuheiði. Ljósmynd/Aðsend

Tveir vöruflutningabílar fuku út af veginum á Holtavörðuheiði um klukkan fimm í dag. Veðurstofa Íslands hefur gefið út gular viðvaranir á vesturhelmingi landsins vegna þess óveðurs sem fram undan er og varar við slæmum akstursskilyrðum.

Veðurvefur mbl.is

Ljósmynd/Aðsend

Varasamt á fjallvegum

„Það gætu orðið einhverjar truflanir innanbæjar en það ætti ekki að vera hættulegt. Hinsvegar á fjallvegum getur verið varasamt og það eru líkur á að færð spillist á Holtavörðuheiði og Öxnadalsheiði,“ segir Birgir Örn Höskuldsson, veðurfræðingur hjá Veðurstofu Íslands.

Ljósmynd/Aðsend
Ljósmynd/Aðsend

Hvessir vestan til

Að sögn Birgis mun hvessa vestan til á landinu upp úr níu og er því spáð að veðrið gangi hratt yfir en að snjókoma og éljagangur fylgi með. Þá mun draga úr veðri í nótt en þegar fer að líða á morguninn fari að hvessa aftur.

Því er spáð að veðrið á morgun verði nokkuð svipað, hvassviðri eða stormur ásamt éljagangi með lélegu skyggni og mögulega versnandi færð á vesturhelmingi landsins. Það fari síðan ekki að draga almennilega úr veðri fyrr en eftir hádegi á fimmtudag.

mbl.is